Gure lan honi muga zehatzak jarri nahi dizkiogu aldez aurretik. Ez goaz hemen Machiavelli-ren obra osoa aztertzera, ezta beraren pentsamendua orotara besarkatzera ere. Hemen soilki Il principe aztertuko da, berrikitan Iñaki Azkunek Printzea izenarekin euskaratu duena. Zuzenean aipaturiko lan horrekin sartu baino lehen, Machiavelli bere garaiko giroan lekutzen ahaleginduko gara, beraren mezua hobeto ulertuko bait da Europan une hartan egosten ziren gertakari politikoenargitan.