Heletako biltzarreen txostenak irakurtzean ohartu nintzen 1789ko maiatzeko biltzarrean 4 emazte eta etxetiar edo maizter pila bat bazela: Nabarrako legeen arabera, etxeko nagusiek baizik ez zezaketen parte har biltzar horretan. Ikerketak jarraikiz, beste biltzar batzutan ere etxetiarrek parte hartu zutela ohartu gara eta behin, etxetiar bat jurado edo kontzejal hautatsi zutela. Bestetan ere gerta zitekeen zeren eta Estatuek oroitarazi zuten, lege zaharraren arabera, etxeko nagusiek baizik ez zezaketela parte har biltzarrean. Nabarrako demokrazia eboluzionatzen ari zen baseak bultzaturik.